سلوك غير منتظر منك، وأنت المحامي والحقوقي والنائب البرلماني…كيف تتجرأ وتخاطب سيدة برلمانية زميلة لك “ياحسرة ” في الفريق وفي المؤسسة التشريعية، بأسلوب الآمر :”هادي بلاصتي نوضي منها”. أسلوبك والطريقة التي تحدثت بها للنائبة حياة بوفراشن، غير مقبول بالمرة، ولا يمكن أن يبرر… خاصة وأن مقاعد مجاورة كانت فارغة وليس في عرف البرلمان تخصيص المقاعد بأسماء أصحابها، أمرتها بتغيير المكان وأن تفرغ لك “البلاصة” وانتظرت 3 دقائق، وأنت واقف عند راسها “كتعاين بلاصتك”. تردد:”هادي بلاصتي واللي كيجلس فيها مكيحترمش راسو وخص وخا منجيش تبقا خاوية حتى انجي أنا”. ولم ترتاح إلا بعد أن أجبرتها على تغيير المقعد. وبزاف هاد تضخم الأنا عندك..
زكلتيها السي وهبي، وأبنت للأسف، عن سلوك مهين للمرأة و لا يتناسب بتاتا وخطاباتك عن الحداثة وحقوق النساء، أسلوبك يسيء لك و للمبادئ التي يتبناها حزبك الأصالة والمعاصرة. نتساءل أشنو ربحت من وراء هاد الضجة؟ . واش كما قالت بوفراشن، هدفك هو أن تخلق الحدث وتهضر عليك الصحافة ، يعني تدير البوز؟ الا كان هذا هدفك ..فقد نجحت خلقت “البوز” لكن خسرت احترامنا لك.
